Miah-Eunice, unang umabante sa Huling Tapatan (2026)

Nonton Streaming Miah-Eunice, unang umabante sa Huling Tapatan Sub Indo — LK21

Lahat ng challenges at masasayang games sa 'Laro Laro Pick' ay kayang-kaya nilang harapin. Dahil sila ay mga tubong Bulacan (hindi BulaCAN'T)! Sa January 12 episode, kinilala nina "It's Showtime" hosts Vhong Navarro, Jhong Hilario at Ogie Alcasid si player Malou a.k.a. Alo, ang housekeeping staff at zumba dancer ng Malolos, na nananatiling masayahin at positibo ang pananaw sa buhay sa kabila ng mapapait na pinagdaanan. Kuwento ni Alo, lumaki silang magkakapatid na pinaghihigpitan ng ina. "Kinadena po 'yung paa ko," sabi niya nang tanungin tungkol sa hindi niya malilimutang karanasan sa buhay. "Hindi dapat ginagawa 'yun," reaksyon ni Jhong. "Kasi nakaka-trauma 'yun, eh, especially 17 years old." Bilang mga ama, nagbahagi sina Jhong, Vhong at Ogie ng opinyon tungkol sa pagdidisiplina ng anak. Nakilala rin natin si Ando, ang parking boy sa harap ng Barasoain Church, ang simbahang dinadayo sa ganda at kasaysayan nito, at, kuwento ni Ando, madalas gawing teleserye location. Kuha ni Ando ang paghanga ng hosts at madlang people, dahil sa pamamagitan ng pagiging barker ay napag-aral niya ang mga anak sa kolehiyo. Last 3 ladies standing ang bumida sa dulo. And the luckiest of them all ay walang iba kundi si Pen. Kasinbilis ng kayang pagsasalita ang pagdapo ng swerte sa buhay ni Pen, ang Bulaceña mama, na parang daig pa ang nakipag-rap challenge kay Gloc-9. Biro ng mister niyang si Ryan, kapag si misis ang nagsermon, wala siyang naiintindihan. Pero wala namang masesermonan pag-uwi sa bahay dahil good mood si Pen, salamat sa kanyang tamang desisyon sa ‘Laro Laro Pick’ jackpot round, kung saan tinanggap niya ang P25,000 Li-Pot offer. Mabuti na lang dahil ‘olats’ sana kung sinubukan niyang sagutin ang P100k POT question tungkol sa tawag sa henerasyon ng mga ipinanganak noong 2025. Sa anumang hamon ng buhay, 2gether tayo, Madlang People! Together din sa kanilang laban sa tanghalan ang mga pares na nais makamit ang kampeonato. Panoorin ang pagsisimula ng weeklong Grand Finals ng TNT Duets 2! Labinlimang duos ang maglalaban-laban para umabot sa dulo. Kada araw, tatlong duos ang magbabakbakan sa entablado. Kailangan nilang mahigitan ang grado ng bawat isa upang manatili sa kompetisyon. Sa Day 1, limang hurado ang umupo sa kani-kanilang trono–Jonathan Manalo, Nyoy Volante, Jed Madela, Bituin Escalante, at Punong Hurado Ogie Alcasid. Naunang sumalang ang ‘Waray Warriors’ Christian Labrador at Francheska Empino. Noo’y magkalaban, ngayo’y magkakampi sa tanghalan! “Sexbomb” ni Tom Jones, sandata nila sa digmaan ng bosesan. Bagama’t pinuri ni hurado Nyoy ang technical aspect at vocal skills ng tandem, aminadong nakulangan siya sa connection, “May hinihinging kuwento ‘yung puso ko na hindi ko nahanap.” Agad-agad ay ipinakita ang markang nakuha ng ‘Waray Warriors’ na 90.2%. Mapanakit muli ang naging performance ng ‘Hugot Buddies’ na sina Hana Adriano at Emmanuel Pescador, singing Moira Dela Torre and Ben&Ben’s “Paalam.” Bilang producer ng piyesa, mataas ang expectations ni hurado Jonathan, at nalampasan ‘yun nina Emmanuel at Hana. Ang nakuha nilang score ay 93%, na mas mataas kaysa sa naunang duo, ang ‘Waray Warriors.’ Malamig ang timbre ng tinig ng ‘Dugong Bughaw’ (Miah Tiangco at Eunice Encarnada) ngunit mainit ang pagtanggap sa kanila ng mga hurado. Ang pares, binigyan ng refreshing flavors ang “Bakit Ako Mahihiya” ni Didith Reyes at nakatanggap ng standing ovation mula sa limang hurados at Madlang People sa studio. "Bakit naman kayo mahihiya? That was an absolute masterclass," komento ni hurado Bituin. Dagdag ni Punong Hurado Ogie, “mahirap talunin” ang Miah-Eunice tandem, at sana raw mapanood ng asawa niyang si Regine Velasquez ang performance. “Sa lahat ng singers, ito dapat,” sabi ni hurado Jed. Nakakuha ng 97.6% ang ‘Dugong Bughaw,’ ang pinakamataas na score sa araw na ‘to, kaya sila ang panalo at babalik sa Huling Tapatan sa Sabado. #ShowtimeNgani #ItsShowtime #ABSCBNEntertainment