Mamulaklak kaya ang swerte para sa mga taga-Dangwa? (2026)

Nonton Streaming Mamulaklak kaya ang swerte para sa mga taga-Dangwa? Sub Indo — LK21

Is that sweet? I guess so! Isang matamis na FUNanghalian ang pinagsaluhan ng Madlang People at 'It's Showtime' family. Mas pinatamis pa 'yan ng candy-sweet voice ng ating mini-diva, Imogen Cantong, na ipinarinig ang kanyang latest single, "Matamis Na Pangarap." Si Imogen mismo ang nag-choreograph ng isang bahagi ng performance kaya very proud parents sina Kaye at Rey Cantong sa kanilang unica hija, na nagse-celebrate rin ng birthday ngayong buwan ng January. It smelled like mabulaklak na swerte sa studio dahil sa pagdating ng mga madlang players from Dangwa na bumida sa 'Laro Laro Pick' game arena. Isa sa kanila si Cristy. Meme, ibang Cristy ‘yan! Anim na taon nang biyuda si Cristy. Pride niya ang mga anak na nabigyan niya ng magandang edukasyon bilang solo parent. Tanong ni Vice Ganda, may puwang pa ba ang panibagong pag-ibig sa puso ni Cristy? Kung sina MC at Lassy ang kakatok, sino ang kanyang pagbubuksan? Idaan na lang sa pagalingan ng pick-up line ‘yan! Alin ang mas havey—ang pick-up line nina MC at Lassy, o ang back-to-you 'pambabara' ni Meme? Nakilala rin ng hosts si Jash, ang freelance dancer at sales consultant na binigyan tayo ng idea tungkol sa 'time share.' Hirit ni Meme, pati sa relasyon ay may 'time share' na tinatawag. At may kilala siyang guilty d'yan na kanyang pinangalanan! Magkakaroon nga ba ng Part 2 ang trending video nina Vice, Vhong Navarro at Darren Espanto (kung saan nahagip ang pagbibihis ni Meme habang sumasayaw ang dalawa)? Basta ito ang sigurado—may swerteng nagihintay sa madlang player na aabante sa jackpot round ng laro, at ito ay si Jo! Ang hobby ni Jo, gumawa ng accessories. Hobby rin niya ang kumain, na mas masarap daw kapag may ka-share. Mas masarap nga kapag shine-share ang blessings, kaya ang offer nina Kim Chiu at Karylle sa Li-Pot, itinodo nila sa halagang P35,000. Pero manalo o matalo, susundin ni Jo ang payo ni mister na piliin ang P250k Pot question. Malaki rin ang kumpyansa ng Madlang People na masasagot ng UST alumna ang tanong. "Sa kasaysayan, sinong taga-Lipa, Batangas ang itinuturing na unang pag-ibig ni Jose Rizal?" Pero sa Pot question tungkol sa buhay ng ating pambansang bayani, dumaplis ang sagot ni Jo. 'Di baleng talo, basta uuwi siya sa mister na minamahal siya nang buong-buo. Ikalawang araw na ng "Tawag Ng Tanghalan Ika-10 Taon." Unang sumalang sa entablado ang young artist mula Manila, Blair de Paula, na bagama't kinabahan nang mabilangan, ipinagpatuloy pa rin ang pag-awit ng “Greatest Love of All" sa tanghalan. Tanong ni Punong Hurado Louie Ocampo sa mga co-hurados na sina Sofronio Vasquez at Darren, "Wala ba kayong narinig?" Biro tuloy ni Vice Ganda, 'yan tayo, eh! Kay Sir Louie palagi ang sisi! Dahil siya lang daw ang may lakas ng loob magbilang! On a serious note, paliwanag ni Maestro Louie, may mga parts na nag-off, and that there was too much space sa performance. Dagdag naman ni Vice Ganda, style talaga ni Whitney Houston 'yung babagal at bibilis ang pagkanta. Sige, Meme, pakitaan mo kami! Mula Novaliches, sa tanghalan din muna bumida si Ron Ballen na ibinuhos ang puso't emosyon sa awiting "Ikaw Lang Ang Mamahalin." Galing sa kaluluwa ang pag-awit ni Ron dahil alay niya ito sa babaeng minahal niya noon at patuloy na iniibig ngayon. Kaya ramdam ng mga hurado ang ngiti ni Ron kahit masakit at malungkot ang awitin. "Kaya nag-shine 'yung mga tones," komento ni Maestro Louie Ocampo. ‘Yung kahit masakit na pero nakangiti ka pa. Ahhh. Naalala tuloy ni Vice Ganda ang pelikula nila Claudine Barretto, Rico Yan at Diether Ocampo na "Dahil Mahal na Mahal Kita." Kung ito ay pelikula, ang ending, si Ron ang panalo sa score na 88.7% versus 84.7% ni Blair. #ItsShowtime #ItsShowtimeNa #ShowtimeTaonNa10To